کراچی: سیکیورٹی گارڈ نے کھلونے بیچنے والا 8 سالہ بچہ مبینہ طور فائرنگ کرکے قتل کردیا، فائرنگ کے واقعے میں ملوث سیکیورٹی گارڈ تاحال فرار ہے۔
تفصیلات کے مطابق کراچی کے علاقے بوٹ بیسن میں سیکیورٹی گارڈ کی فائرنگ سے گداگر بچے جاں بحق ہوگیا، بچہ علاقے میں کھلونے بیچ رہا تھا۔
فائرنگ کے واقعے میں ملوث سیکیورٹی گارڈ تاحال فرار ہے، سیکیورٹی گارڈمحمدجان کی گرفتاری کیلئےچھاپے مارے جارہے ہیں۔
پولیس حکام نے بتایا کہ ملزم نےفائرنگ کےواقعےکےبعداسلحہ کمپنی میں جمع کرادیاتھا، ملزم بچے کو تشویشناک حالت میں لیکر گیا تایم راستے میں بچےنےدم توڑ دیا تھا۔
حکام کا کہنا تھا کہ چےکےجاں بحق ہونے پر ملزم لاش پھینک کرفرار ہوا، ملزم نےفائرنگ کی یا اتفاقیہ گولی چلی تحقیقات کر رہے ہیں، ملزم کوجلد گرفتار کرلیا جائے گا۔
بعد ازاں 8سالہ گداگربچے کےقتل کا مقدمہ بوٹ بیسن تھانےمیں درج کرلیا گیا، مقدمہ بچے کے والد خادم خان کی مدعیت میں درج کیا گیا، مقدمہ قتل کی دفعات کےتحت سیکیورٹی گارڈکیخلاف درج کیا گیا ہے۔
ایڈمنسٹریٹر کے ایم سی مرتضیٰ وہاب نے بوٹ بیسن میں 8 سالہ بچے کی ہلاکت کا نوٹس لیتے ہوئے پولیس حکام سے رپورٹ طلب کرلی۔
ایڈمنسٹریٹر کراچی مرتضیٰ وہاب نے کہا کہ بچےکےلواحقین کوانصاف دلایا جائےگا، کسی کو قانون ہاتھ میں لینے کی اجازت نہیں۔
