جنوبی افریقا کے سابق کرکٹر جونٹی روڈز نے ارشدیپ سنگھ کا پاکستانی لیجنڈ کرکٹر وسیم اکرم سے موازنہ کرنے پر اپنا ردِ عمل دیا ہے۔
سابق کرکٹر جونٹی روڈز نے کہا کہ ارشدیپ سنگھ کا وسیم اکرم سے موازنہ بھارتی بولر کے لیے نامناسب ہے، انہوں نے آخری دو سالوں میں خود کو بہت بہتر کرلیا ہے لیکن ان کا وسیم اکرم سے موازنہ ارشدیپ کو مزید پریشر میں ڈال دے گا۔
جنوبی افریقا کے سابق کرکٹر کا کہنا تھا کہ اگر آپ جسپریت بمراہ اور ان کی پروگریس کو دیکھیں تو ارشدیپ نے بالکل ویسا ہی کیا ہے، ارشدیپ ایک نوجوان فاسٹ بولر ہیں جن میں سیکھنے اور سننے کی لگن ہے۔
یہ بھی پڑھیں: بابراعظم کو کونسا بھارتی بولر آؤٹ کرے گا؟ حیران کن پیشگوئی
جونٹی روڈز نے کہا کہ ارشدیپ پاور پلے کا بہترین بولر ہے اور اس کا کنٹرول بہترین ہے وہ وکٹ لینے کے لیے بالکل ویسے ہی آتے ہیں جیسے وسیم اکرم آتے تھے۔
سابق کرکٹر نے مزید کہا کہ ارشدیپ ایک بہترین بولر ہے اور اس کا زبردست کیرئیر ہوگا لیکن اگر آپ کسی کو ایسے کھلاڑی کے ساتھ ملانا شروع کردیں جو اس سے پہلے کھیل چکا ہے تو وہ اس پر غیر ضروری پریشر بڑھے گا۔
