پیرو : مسافر طیارہ ایئرپورٹ کے رن وے پر خوفناک حادثے کا شکار ہوگیا ، جس کے نتیجے میں 2 افراد ہلاک ہوگئے جبکہ طیارے میں سوار کئی افراد زخمی ہوئے۔
تفصیلات کے مطابق امریکا کے ملک پیرو میں مسافر طیارہ ٹیک آف کے دوران رن وے پر آگ بجھانے والے ٹرک سے ٹکرا گیا۔
غیرملکی میڈیا نے بتایا کہ حادثے کے بعد طیارے میں آگ لگ گئی جبکہ ٹرک میں موجود دو افراد ہلاک ہوگئے تاہم طیارے میں سوار تمام افراد محفوظ رہے۔
مقامی حکام کا کہنا تھا کہ پیرو میں لاتم ایئر لائنز کا مسافر طیارہ دارالحکومت لیما کے جارج شاویز انٹرنیشنل ایئرپورٹ سے ٹیک آف کے دوران حادثہ کا شکار ہوا۔
Fue un milagro lo qué pasó en el Peru en el aeropuerto Jorge Chávez, en el despegue al LÁTAM ✈️ se le atraviesa el carro de bomberos , chocan con fuerza y estalla el avion! #jorgechavez @PatoAviador nadie del avión murió, 2 bomberos si 😢 pic.twitter.com/7XONdfCZ3S
— Luis del Valle (@Luis1delvalle) November 18, 2022
طیارے میں 102 مسافر سوار تھے، حادثے کے دوران کئی مسافر زخمی بھی ہوئے۔
پیرو کی وزارت صحت کا کہنا ہے کہ بیس مسافروں کو طبی امداد کے لیے اسپتال منتقل کیا گیا جبکہ دو افراد کی حالت تشویش ناک ہے۔
طیارہ حادثہ کے ویڈیو بھی سامنے آگئی ہے ، ویڈیو میں دیکھا جاسکتا ہے کہ طیارہ تصادم کی وجہ سے دائیں جانب ہٹ گیااور رن وے پر تیز رفتاری سے آگے بڑھتے ہوئے اس کا دایاں پر جلنے لگا ۔پھر آگ بجھائے جانے سے قبل اس کا زیادہ تر ڈھانچہ تباہ ہوگیا۔
بعد ازاں کمپنی کی طرف سے ایک بیان جاری کیا گیا کہ طیارے میں کوئی موت واقع نہیں ہوئی ہے۔
