پیانگ یانگ: کم جونگ اُن کی بیٹی نئے میزائل لانچ کے موقع پر پہلی بار منظر عام پر آ گئیں، جس سے آخر کار ان کے ہونے کے افواہوں کی تصدیق ہو گئی۔
غیر ملکی میڈیا رپورٹس کے مطابق شمالی کوریا کے رہنما کم جونگ اُن اپنی نوجوان بیٹی کے ساتھ پہلی بار عوامی سطح پر نمودار ہوئے ہیں، اس سے قبل اُن کی بیٹی کے ہونے کی تصدیق نہیں کی گئی تھی۔
جمعے کو کم جونگ نے اپنی بیٹی کے ہمراہ بین البراعظمی بیلسٹک میزائل کی ’نئی قسم‘ کے لانچ کی نگرانی کی، یہ تصاویر بھی اسی موقع کی ہیں۔
کم جونگ کی بیٹی کے بارے میں خیال کیا جاتا ہے کہ ان کا نام Kim Chu-ae ہے، جمعہ کو وہ ملک کے سب سے بڑے بین البراعظمی بیلسٹک میزائل لانچ کے معائنے میں اپنے والد کے ہمراہ تھیں۔
میزائل ٹیسٹ کے دوران کم جونگ نے اپنی بیٹی کا ہاتھ تھاما ہوا تھا۔
واضح رہے کہ کم جونگ دنیا کی سب سے خفیہ ریاستوں میں سے ایک کی قیادت کر رہے ہیں، اور ان کی ذاتی زندگی کے بارے میں بہت کم معلومات دستیاب ہیں۔
VIDEO: North Korea’s state-run television aired a photo slideshow of Kim Jong Un with his daughter at the ICBM launch site.
The photos are the same as those published earlier in the morning, and the program did not show additional video of the daughter. https://t.co/ZhEljEW15u pic.twitter.com/y3sQRPutWw
— NK NEWS (@nknewsorg) November 19, 2022
جاپان نے جمعہ کو میزائل لانچنگ کے بعد خبردار کیا تھا کہ ایسا لگتا ہے کہ نیا میزائل امریکا کی سرزمین تک پہنچنے کی صلاحیت رکھتا ہے۔