فیصل آباد: پاکستان عوامی تحریک آج فیصل آباد میں عوامی طاقت کا مظاہرہ کرے گی ۔جلسے کی تیاریاں آخری مراحل میں داخل ہوگئیں،انقلاب کا قافلہ ڈاکٹر طاہر القادری کی قیادت میں فیصل آباد پہنچنے والا ہے۔
پاکستان عوامی تحریک کا سیاسی پنڈال آج دھوبی گھاٹ گراؤنڈ میں سجے گا، جلسے کے شرکاء کے لئے پچاس ہزار کرسیاں لگا دی گئی ہیں۔ پاکستان عوامی تحریک کے سربراہ علامہ ڈاکٹر طاہر القادری نے جلسہ کو انقلاب ان فیصل آباد کا نام دے دیا ۔
جلسہ میں سیکیورٹی کے سخت ترین انتظامات کئے گئے ہیں۔ جلسہ گاہ کے اطراف ایک ہزار اہلکار سیکیورٹی کے فرائض سرانجام دے رہے ہیں۔ جبکہ عوامی تحریک کے پندرہ سو کارکنان پنڈال کے اندر سیکیورٹی پر مامور ہیں۔
داخلی راستوں پرواک تھرو گیٹ نصب کئے گئے ہیں ۔ جلسے سے ڈاکٹر طاہر القادری ق لیگ کے سربراہ چوہدری شجاعت سمیت دیگر سیاسی قائدین خطاب بھی کریں گے۔
