لاہور : تحریک انصاف کے رہنما فیصل جاوید کا کہنا ہے کہ عمران خان کل 26 نومبر کو دوپہر ایک بجے راولپنڈی میں ملکی تاریخ کے سب سے بڑے اور پر امن احتجاج سے خطاب کریں گے۔
تفصیلات کے مطابق تحریک انصاف کے رہنما فیصل جاوید نے سماجی رابطے کی ویب سائٹ ٹوئٹر پر اپنے پیغام میں حکومت پر تنقید کرتے ہوئے کہا کہ یہ ہیں ہی ڈرپوک، زخمی خان سے بھی ڈرتے ہیں۔
فیصل جاوید کا کہنا تھا کہ عمران خان نے کہا تھا وہ حکومت سے باہر انکے لئے زیادہ خطرناک ہیں۔
تحریک انصاف کے رہنما فیصل جاوید نے مزید کہا کہ پر امن احتجاج عوام کا حق ہے، انشاء اللہ کل ایک بجے عمران خان راولپنڈی میں ملکی تاریخ کے سب سے بڑے اور پر امن احتجاج سے خطاب کریں گے۔
یہ ہیں ہی ڈرپوک …. زخمی خان سے بھی ڈرتے ہیں- عمران خان نے کہا تھا وہ حکومت سے باہر انکے لئے زیادہ خطرناک ہیں – پر امن احتجاج عوام کا حق ہے-انشاء اللہ کل ایک بجے عمران خان راولپنڈی میں ملکی تاریخ کے سب سے بڑے اور پر امن احتجاج سے خطاب کریں گے – #چلو_چلو_پنڈی_چلو
— Faisal Javed Khan (@FaisalJavedKhan) November 25, 2022
فیصل جاوید نے ایک اور ٹوئٹ میں لکھا کہ ہمارے پرامن احتجاج کے سامنے وفاقی حکومت اوچھے ہتھکنڈے استعمال کر رہی ہے، راستوں کو بند کیا جارہا ہے، عدالت اسکا نوٹس لے۔
انہوں نے مزید کہا کہ ریکارڈ تعداد میں فیملیز کی شرکت سے یہ بوکھلاہٹ کا شکار ہیں، عمران خان کے ہیلی کاپٹر کو پریڈ گراؤنڈ اترنے پر بندش لگا کر انکی جان کو مزید خطرے میں ڈالا جارہا ہے۔
ہمارے پرامن احتجاج کے سامنے وفاقی حکومت اوچھے ہتھکنڈے استعمال کر رہی ہے- عدالت اسکا نوٹس لے- راستوں کو بند کیا جارہاہے- ریکارڈ تعداد میں فیملیز کی شرکت سے یہ بوکھلاہٹ کا شکار ہیں-عمران خان کے ہیلی کاپٹر کو پریڈ گراؤنڈ اترنے پر بندش لگا کر انکی جان کو مزید خطرے میں ڈالا جارہا ہے-
— Faisal Javed Khan (@FaisalJavedKhan) November 25, 2022
واضح رہے کہ کل ملک بھر سےقافلے راولپنڈی پہنچیں گے، چیئرمین پی ٹی آئی عمران خان احتجاج کی قیادت کریں گے۔