تہران: ایران کے سپریم لیڈر آیت اللہ خامنہ ای کی بھانجی کو حکومت مخالف بیان پر گرفتار کر لیا گیا۔
غیر ملکی میڈیا کے مطابق ایران کے سپریم لیڈر آیت اللہ خامنہ ای کی بھانجی گرفتار ہو گئیں، انسانی حقوق کی کارکن فریدہ مراد خانی کی ویڈیو وائرل ہوئی تھی۔
فریدہ مراد خانی نے ایران مخالف مظاہروں کی حمایت کرتے ہوئے ایرانی حکومت کو قاتل قرار دیا اور عالمی برادری سے ایرانی مظاہرین کے ساتھ کھڑا ہونے کا مطالبہ کیا۔
فریدہ مراد خانی کی والدہ بدری خامنہ ای ایران کے موجودہ سپریم لیڈر آیت اللہ علی خامنہ ای کی بہن ہیں۔
Farideh Moradkhani, a family member of Khamenei, openly declares her support for protesters and pleads with the international community to support them. This is the type of cracks we’re likely to see within the regime as protests endure. pic.twitter.com/gWZtcZ1xiT
— Vahid 🇺🇦 (@vahid_y1) November 26, 2022
22 سالہ کُرد خاتون مہسا امینی کی پولیس کے زیر حراست موت کے بعد سے جاری احتجاجی مظاہرے اب آیت اللہ علی خامنہ ای کے زیر قیادت حکومت کے لیے ایک بڑا درد سر بن چکے ہیں اور مظاہرین اب حکومت کی تبدیلی کا مطالبہ کر رہے ہیں۔