سندھ اسمبلی میں موجود پاکستان تحریک انصاف کے ارکان نے اپنے استعفے پارٹی چیئرمین عمران خان کو پیش کر دیے۔
تحریک انصاف سندھ کے صدر علی زیدی کی قیادت میں سندھ کی پارلیمانی پارٹی نے زمان پارک لاہور میں چیئرمین عمران خان سے ملاقات کی۔ پارلیمانی پارٹی میں حلیم عادل شیخ، خرم شیر زمان سمیت دیگر ارکان موجود تھے۔
ملاقات میں سندھ کے تمام 26 ارکان اسمبلی کے استعفے عمران خان کو پیش کیے گئے۔
یہ بھی پڑھیں: عمران خان کا اشارہ ملتے ہی استعفے دیں گے، وزیر اعلیٰ کے پی
MPAs from Sindh shared their resignation letters from Assembly to Chairman Imran Khan #کپتان_کا_یارکر_PDM_بولڈ pic.twitter.com/pAOLnI5hMU
— PTI (@PTIofficial) December 3, 2022
اس موقع پر پارلیمانی پارٹی سندھ نے کہا کہ عمران خان کی حقیقی آزادی کی تحریک کی بھرپور حمایت کرتے ہیں، صوبائی اسمبلی کی نشستیں پارٹی کی امانت ہیں۔
ان کا کہنا تھا کہ سندھ میں عمران خان کے سپاہی ہیں، کپتان جب حکم دیں گے کرپٹ زرداری راج کا مقابلہ کریں گے۔
واضح رہے کہ عمران خان نے وفاقی حکومت کو عام انتخابات کی تاریخ نہ دینے پر پنجاب اور خیبر پختونخوا اسمبلیاں تحلیل کرنے کا اعلان کر رکھا ہے۔
