ایمیزون :برازیل میں دلچسپ اور منفرد میراتھن ریس نے جنگل میں منگل کا سماں باندھ دیا۔اعصاب شکن مقابلے میں مردوں میں واڈی جارج اور خواتین میں جوسی بینسن میدان مارلیا ۔
تفصیلات کے مطابق ایمیزون کے جنگلات میں انوکھی میراتھن ریس کا انعقاد کیا گیا۔ جس میں سترہ ممالک کے پینسٹھ ایتھلیٹ نے حصہ لیا۔جنہیں دو سو پچھتر کلو میٹر کافاصلہ طے کرناتھا۔رنرز کو منزل مقصود پر پر پہنچنے کے لیے کئی دشوار گزار مراحل،رکاوٹیں اور ندی نالوں سے گزرنا پڑا۔
اس موقع پر کئی کھلاڑی زخمی بھی ہوئے تو کئی بیچ راستے میں ہی ہمت ہارگئے۔تھکادینے والے اعصاب شکن مقابلے میں صرف چھبیس کھلاڑی مقررہ فاصلہ طے کرنے میں کامیاب ہوسکے۔
مردوں میں پہلی پوزیشن گواڈی لوپ کے کھلاڑی واڈی جارج نے حاصل کی،خواتین میں برطانوی ایتھلیٹ جوسی بینسن نے ٹائٹل اپنے نام کیا
