الیکشن کراؤ، ملک بچاؤ تحریک، پی ٹی آئی آج کراچی میں ریلیاں نکالے گی

عمران خان کی الیکشن کراؤ ملک بچاؤ تحریک کے سلسلے میں پی ٹی آئی نے آج کراچی میں ریلیاں نکالنے کا اعلان کیا ہے جس کا شیڈول جاری کردیا گیا ہے۔

پاکستان تحریک انصاف کراچی کے صدر بلال غفار کی جانب سے جاری شیڈول کے مطابق یہ ریلیاں ماڈل ٹاؤن، منگھو پیر، مون آباد، گلشن اقبال، صفوری، حیدری اور صدر کے علاقوں سے نکالی جائیں گی۔

ان ریلیوں میں کراچی کے تنظیمی عہدیداروں سمیت سابق ارکان قومی اسمبلی سمیت ایم پی ایز بھی شرکت کریں گے۔

Comments