اسلام آباد : وزیراعظم شہبازشریف کے بیٹے سلیمان شہباز راہداری ضمانت کے لیے آج اسلام آباد ہائیکورٹ پیش ہوں گے، سلیمان شہباز منی لانڈرنگ کیس میں عدالت کومطلوب ہیں۔
تفصیلات کے مطابق وزیراعظم کے صاحبزادے سلیمان شہباز آج اسلام آباد ہائیکورٹ پیش ہوں گے اور راہداری ضمانت حاصل کریں گے۔
پاکستان واپسی سے پہلے عدالت نےدرخواست ضمانت مسترد کرتے ہوئے سلیمان شہباز کو ائیرپورٹ سے گرفتار نہ کرنے کا حکم دیا تھا۔
اسلام آباد ہائیکورٹ کے چیف جسٹس نے سلیمان شہباز کو 13 دسمبر کو پیش ہونے کا حکم دے رکھا ہے۔
خیال رہے سلیمان شہباز منی لانڈرنگ کیس میں احتساب عدالت کو مطلوب ہیں، عدالت وزیراعظم کے بیٹے کو مفرور قرار دے چکی ہے۔
سلیمان شہبازخود ساختہ جلا وطنی کے بعد لندن سے پاکستان پہنچے ہیں۔
یاد رہے شہبازشریف کے بیٹے سلیمان شہباز خود ساختہ جلا وطنی ختم کرکے وطن واپس پہنچے تھے، لاہور میں گھر پہنچنے پر شہباز شریف نے سلیمان شہبازکا استقبال کیا، گلےلگایا اورپھولوں کا ہار پہنایا۔
