لاہور: وفاقی حکومت نے لاہور الیکٹرک کمپنی (لیسکو) کا نیا بورڈ تشکیل دے دیا ہے۔
ذرائع کے مطابق کابینہ سے سرکولیشن کے ذریعے لیسکو بورڈ کی تشکیل نو کی منظوری لینے کے بعد وفاقی حکومت نے نیا بورڈ تشکیل دے دیا ہے۔
ذرائع کا کہنا ہے کہ لیسکو کا 15 رکنی نیا بورڈ 3 سال کے لیے تشکیل دیا گیا، حافظ محمد نعمان لیسکو بورڈ کے چیئرمین مقرر کیے گئے ہیں۔
- Advertisement -
سی ای او لیسکو، پنجاب حکومت، وزارت خزانہ اور پاور ڈویژن کے نمائندے اس بورڈ میں شامل کیے گئے ہیں۔
ذرائع کے مطابق بورڈ ارکان میں غیاث الدین احمد، محمد علی صادق، جہانزیب بدر، مجاہد اسلام، ایم اے گوریا، رانا فیصل حیات، احمد بخش تارڑ، چوہدری ارشد اقبال، سعد راؤ، اور فیصل کھوکھر شامل ہیں۔
