معروف اداکارہ سجل علی نے اپنے بچپن کی خوبصورت تصویر شیئر کردی، انہیں حال ہی میں بین الاقوامی ایوارڈ سے بھی نوازا گیا ہے۔
تفصیلات کے مطابق معروف اداکارہ سجل علی نے سماجی رابطے کی ویب سائٹ انسٹاگرام پر اپنے بچپن کی خوبصورت تصویر شیئر کی۔
View this post on Instagram
اپنے کیپشن میں سجل نے لکھا کہ اب بھی بہت سی مہم جوئیاں باقی ہیں، بہت سی چیزیں دیکھنے اور محسوس کرنے کے لیے باقی ہیں۔
انہوں نے لکھا کہ نئے دن کا وعدہ ایک دوسرا موقع ہے کہ چیزوں کو پہلے سے بہتر بنایا جائے۔ یہ کبھی ہمت نہ ہارنے اور یقین رکھنے کی خوبصورتی اور اس کا انعام ہے۔
مداحوں نے ان کی اس خوبصورت تصویر کو بہت پسند کیا اور اس پر بے شمار تعریفی تبصرے کیے۔
خیال رہے کہ سجل علی کو چند روز قبل مڈل ایسٹ اچیورز نائٹ 2022 کی تقریب کے دوران ایوارڈ سے نوازا گیا تھا، فی الوقت وہ ایک بین الاقوامی پروجیکٹ میں جمائمہ گولڈ اسمتھ کے ساتھ بھی کام کر رہی ہیں۔
