لاہور: مسلم لیگ ق کی پارلیمانی پارٹی نے تمام فیصلوں کا اختیار وزیر اعلیٰ پنجاب پرویز الٰہی کو دے دیا ہے۔
اے آر وائی نیوز کے مطابق وزیر اعلیٰ پنجاب چوہدری پرویز الٰہی اور ساجد بھٹی زیر صدارت ق لیگ پارلیمانی پارٹی کا اجلاس ہوا جس میں موجودہ سیاسی صورت حال کا تفصیلی جائزہ لیا گیا۔
چوہدری پرویز الٰہی نے کہا کہ مسلم لیگ قائد اعظم متحد ہے اور متحد رہے گی، افواہیں پھیلانے والے مخصوص ایجنڈے پر چل رہے ہیں ہم عمران خان کے ساتھ دل و جان سے ہیں اور انشا اللہ ساتھ دیتے رہیں گے۔
ارکان پارلیمانی پارٹی کا کہنا ہے کہ ق لیگ کی پارلیمانی پارٹی نے چوہدری پرویز الٰہی کی قیادت پر بھرپور اعتماد کا اظہار کیا۔
ارکان نے کہا کہ وزیراعلیٰ پرویز الٰہی کی قیادت میں ق لیگ متحد ہے ہم سیسہ پلائی دیوار کے ساتھ پرویز الٰہی کے ساتھ کھڑے ہیں۔
ق لیگ کے ارکان نے کہا کہ تحریک عدم اعتماد پر پرویز الٰہی، سبطین خان، واثق قیوم کو ووٹ دیں گے۔
ساجد بھٹی نے کہا کہ وزیراعلیٰ پنجاب پرویز الٰہی ہمارے لیڈر ہیں اور اختلافات کا پروپیگنڈا کرنے والوں کے مذموم عزائم ناکام ہوں گے۔
