لاہور: نیوزی لینڈ کے خلاف ٹیسٹ سیریز کے لیے 16 رکنی قومی اسکواڈ کا اعلان کردیا گیا ہے۔
پاکستان کرکٹ بورڈ (پی سی بی) نے 16 رکنی اسکواڈ کا اعلان کیا ہے، ٹیم میں فاسٹ بولر حسن علی کی واپسی ہوئی ہے جبکہ اظہر علی کی جگہ کامران غلام کو اسکواڈ کا حصہ بنایا گیا ہے۔
کامران غلام نے دو سیزن قبل 1217 رنز بنا کر نیا قومی ریکارڈ بنایا تھا۔
Pakistan squad announced for the two-match Test series against New Zealand 📢
More details ➡️ https://t.co/fJ43xjz69G#PAKvNZ pic.twitter.com/vc8uwEyypw
— Pakistan Cricket (@TheRealPCB) December 21, 2022
واضح رہے کہ اسپیڈ اسٹار حارث رؤف انجری کے باعث انگلینڈ کے خلاف پہلے ٹیسٹ میچ سے باہر ہوگئے تھے انہیں اسکواڈ میں شامل نہیں کیا گیا ہے۔
تاہم نوجوان پیسر نسیم شاہ کندھے کی انجری کی وجہ سے ملتان اور کراچی ٹیسٹ میں ٹیم کو دستیاب نہیں تھے وہ اب فٹ ہوگئے ہیں اور کیوی ٹیم کے خلاف ایکشن میں دکھائی دیں گے۔
پاکستان اسکواڈ
بابر اعظم کپتان، عبداللہ شفیق، ابرار احمد، حسن علی، امام الحق، کامران غلام، محمد نواز، محمد رضوان، محمد وسیم جونیئر، نسیم شاہ، نعمان علی، سرفراز احمد، سلمان علی آغا، سعود شکیل، شان مسعود اور زاہد محمود شامل ہیں۔
