خیبرپختونخوا کے ڈپٹی اسپیکر محمود جان پر فائرنگ ہوئی ہے تاہم خوش قسمتی سے وہ محفوظ رہے اور انہیں کوئی نقصان نہیں پہنچا۔
اے آر وائی نیوز کے مطابق صوبہ خیبرپختونخوا کے ڈپٹی سپیکر محمود جان پر فائرنگ ہوئی تاہم خوش قسمتی سے وہ محفوظ رہے اور انہیں کوئی نقصان نہیں پہنچا جب کہ ملزمان فرار ہونے میں کامیاب ہوگئے۔
پولیس کا کہنا ہے کہ ڈپٹی اسپیکر کے پی محمود جان پشاور میں لائیو اسٹاک کی ایک تقریب میں شریک تھے کہ ان پر فائرنگ کی گئی۔
- Advertisement -
پولیس کے مطابق تقریب کے دوران مسلح افراد حجرے میں آئے اور فائرنگ کر دی۔ ملزمان فائرنگ کرنے کے بعد با آسانی فرار بھی ہوگئے۔
پولیس کا کہنا ہے کہ مفرور ملزمان کی تلاش کے لیے علاقے میں سرچ آپریشن جاری ہے۔
