نئی دہلی : بھارتی فوج کا ٹرک پہاڑ سے نیچے آگرا جس کے نتیجے میں تین افسران سمیت 16 اہلکار ہلاک ہوگئے۔
بھارتی میڈیا رپورٹ کے مطابق یہ حادثہ ریاست سکم کے شمالی علاقے میں پیش آیا جہاں زیما کے علاقے میں بھارتی فوج کا ایک ٹرک پہاڑی سڑک سے نیچے آگرا جس کے نتیجے میں اب تک 16 فوجیوں کے ہلاک ہونے کی تصدیق کی گئی ہے جس میں 3 جونیئر کمیشنڈ آفیسرز (جے سی او) بھی شامل ہیں۔
بھارتی میڈیا کا بتانا ہےکہ بھارتی فوج کی تین گاڑیوں کا قافلہ جمعہ کے روز صبح کے اوقات میں تھانگو کی طرف روانہ ہورہا تھا کہ اس دوران قافلے میں شامل ایک ٹرک بے قابو ہوگیا اور پہاڑی سڑک سے نیچے آگرا۔
- Advertisement -
بھارتی میڈیا کے مطابق حادثے کے بعد علاقے میں فوری ریسکیو آپریشن شروع کردیا گیا ہے اور ٹرک سے 4 فوجیوں کو زخمی حالت میں نکال کر پہلی کاپٹر کے ذریعے اسپتال منتقل کیا گیا ہے۔
