کراچی: سابق وزیر اعظم شاہد خاقان عباسی کرونا وائرس میں مبتلا ہو گئے۔
تفصیلات کے مطابق پاکستان مسلم لیگ ن کے رہنما شاہد خاقان عباسی کے وکیل نے کراچی میں عدالت کو درخواست دی ہے کہ ان کے مؤکل کو کرونا وائرس لاحق ہو گیا ہے۔
وکیل خواجہ نوید احمد نے احتساب عدالت کو آگاہ کرتے ہوئے کہا کہ شاہد خاقان عباسی نے کرونا وائرس پوزیٹو ہونے کی وجہ سے خود کو قرنطینہ کر لیا ہے، اس لیے وہ اسلام آباد سے کراچی نہیں آ سکے۔
- Advertisement -
وکیل نے درخواست دی کہ شاہد خاقان عباسی کو کیس میں حاضری سے استثنیٰ دیا جائے۔ واضح رہے کہ شاہد خاقان عباسی و دیگر کے خلاف پی ایس او میں غیر قانونی بھرتیوں کا ریفرنس زیر سماعت ہے۔
