کراچی کے علاقے قصبہ کالونی اسلامیہ کالونی میں گلے پر تیز دھار چیز لگنے سے 9 سالہ بچہ جاں بحق ہوگیا۔
تفصیلات کے مطابق کراچی کے علاقے اسلامیہ کالونی میں ایک افسوسناک واقعہ پیش آیا ہے جہاں 9 سالہ بچے کا گلا کٹ گیا۔
ریسکیو حکام کے مطابق بچے کی شناخت نو سالہ مصطفیٰ کے نام سے ہوئی ہے، بچہ اپنے بھائی کے ساتھ مدرسے جارہا تھا۔
ریسکیو حکام کا کہنا ہے ابتدائی اطلاع کے مطابق کچرے میں آگ لگی ہوئی تھی، کچرے میں موجود شیشے کی بوتل پھٹی جو بچے کی گردن میں لگ گئی۔
دوسری جانب پولیس کا کہنا ہے کہ حادثہ کیسے پیش آیا پولیس کی جانب سے تحقیقات کی جارہی ہیں، لیکن ورثا بغیر کارروائی کے بچے کی لاش لے گئے ہیں۔