اسلام آباد :وزیراعظم کے مشیر برائے خارجہ امور سرتاج عزیز نے کہا ہے کہ پاک فوج بھارتی جارحیت سے نمٹنے کےلیے مکمل طورپرتیار ہے، اسلام آباد میں قومی اسمبلی کی کمیٹی برائے خارجہ امور کا اجلاس منعقد ہوا ۔
جس میں وزیراعظم کے مشیر برائے خارجہ امور سرتاج عزیز کا کہنا تھا کہ پاکستان بھارت سے مذاکرات کے ذریعے تنازعات کا حل چاہتا ہے ، تاہم کسی بھی قسم کی جارحیت سے نمٹنے کے لیے پاک فوج مکمل طورپرتیار ہے ۔
ان کا کہنا تھا کہ کنٹرول لائن اور ورکنگ باؤنڈری پر بھارت نے جارحیت کا سلسلہ تیس دسمبر دوہزار تیرہ کو شروع کیا جو چھ اکتوبر کو شدت پکڑگیا،ان کا کہنا تھا کہ بھارت سے کشمیرکے مسئلے پر مذاکرات میں کشمیری قیادت کو اعتماد میں لیا جائےگا۔
