کوئٹہ: کوئٹہ میں سبزل روڈ پر دستی بم پھٹنے سے 3 خواتین سمیت 4 افراد زخمی ہو گئے ہیں۔
تفصیلات کے مطابق کوئٹہ میں سبزل روڈ کے قریب کباڑ کی ایک دکان میں دھماکا ہوا ہے جس سے چار راہگیر زخمی ہو گئے، زخمیوں میں تین خواتین شامل ہیں۔
پولیس حکام کا کہنا ہے کہ زخمیوں کو اسپتال منتقل کر دیا گیا ہے، جب کہ علاقے کی ناکہ بندی کر کے گھیرے میں لے لیا گیا ہے، جائے وقوعہ سے شواہد اکھٹے کیے جا رہے ہیں اور آس پاس ٹریفک معطل کر دیا گیا۔
- Advertisement -
پولیس حکام نے بتایا کہ دکان میں ایک اور دستی بم بھی پڑا ملا، جس پر بم ڈسپوزل اسکواڈ کو طلب کیا گیا، بی ڈی ایس ٹیم نے موقع پر پہنچ کر دستی بم ناکارہ بنا دیا۔
پولیس حکام کے مطابق دکان میں موجود افراد سے اس بات کی تفتیش کی جا رہی ہے کہ بم پھینکا گیا تھا یا وہاں سامان میں موجود تھا۔
