کراچی: متحدہ قومی موومنٹ پاکستان اور پاک سرزمین پارٹی میں انضمام کی صورت میں سربراہ کا معاملہ حل ہوگیا۔

ذرائع کے مطابق متحد ایم کیو ایم کی سربراہی خالد مقبول صدیقی کریں گے جبکہ کنوینر کے لیے ڈاکٹر فاروق ستار کو بھی نامزد کیا جائے گا۔

پی ایس پی کے سربراہ مصطفیٰ کمال ڈپٹی کنوینر ہوں گے اور انیس قائمخانی تنظیمی امور کی سربراہی کریں گے۔

یہ بھی پڑھیں: کراچی کی بہتری کیلیے دوستوں کو اکٹھا کر رہا ہوں، گورنر سندھ

ذرائع کا بتانا ہے کہ اتوار کے روز پی ایس پی اور ایم کیو ایم ایک دوسرے میں ضم ہو جائیں گے۔

پی ایس پی نے اتوار کو جنرل ورکرز اجلاس طلب کرلیا۔ پاکستان ہاؤس کے باہر قیادت ورکرز کو اعتماد میں لے گی۔

واضح رہے کہ ایم کیو ایم کے دھڑوں کے الحاق میں ایم کیو ایم لندن شامل نہیں ہوگی۔

Comments