کراچی: شہر قائد میں ایک پولیس اہل کار ہی پولیس افسران کے ہاتھوں تشدد کا نشانہ بن گیا۔
تفصیلات کے مطابق کراچی کے علاقے صدر میں ایک پولیس اہل کار پر تشدد کی سی سی ٹی وی فوٹیج سامنے آ گئی ہے، جس میں افسران کو اہل کار پر تشدد کرتے دیکھا جا سکتا ہے۔
پولیس اہل کار پر تشدد کے بعد افسران اس کا اسلحہ بھی ساتھ لے گئے تھے۔
- Advertisement -
واقعے کی خبر اے آر وائی نیوز پر چلتے ہی ایس ایس پی ساؤتھ اسد رضا نے نوٹس لیتے ہوئے دونوں افسران سے جواب طلب کر لیا۔
معلوم ہوا کہ پولیس اہل کار پر تشدد میں ایس ایچ او اور ایس آئی او ملوث تھے، ایس ایس پی ساؤتھ کے مطابق متاثرہ اہل کار کا بیان بھی حاصل کر لیا گیا ہے۔
ایس ایس پی اسد رضا نے بتایا کہ تشدد میں ملوث افسران کے خلاف قانون کے مطابق کارروائی کی جائے گی۔
