واشنگٹن : پاکستان نے امریکا میں اپنے سفارت خانے کی پرانی عمارت کو فروخت کرنے کا فیصلہ کیا جس کے بعد خریداروں نے بھی بولی لگانا شروع کردی۔
اس حوالے سے ذرائع کا کہنا ہے کہ پاکستانی سفارتخانے کی پرانی عمارت کے لیے نیا خریدار سامنے آگیا ہے، پاکستانی تاجر تنویر احمد نے عمارت خریدنے کیلئے7ملین ڈالرز کی پیشکش کی ہے۔
ذرائع کے مطابق اس سے پہلے سفارت خانے کی پرانی عمارت کے لیے68لاکھ ڈالرز کی بولی آئی تھی، اےآر وائی نیوز نے پاکستانی تاجر کی پیشکش کی دستاویزات حاصل کرلیں۔
- Advertisement -
مزید پڑھیں : امریکا میں پاکستانی سفارتخانے کی پرانی عمارت فروخت کرنے کا فیصلہ
پاکستانی تاجرتنویراحمد کا کہنا ہے کہ68 لاکھ ڈالر کی پیشکش سے زیادہ رقم دینے کیلئے تیار ہوں، دوسری جانب پاکستانی سفیر مسعود خان اور سفارت خانے کے دیگر عملے نے اس خبر سے متعلق کسی قسم کا ردعمل دینے سے گریز کیا ہے۔
