سڈنی : دو ہیلی کاپٹر دورانِ پرواز ٹکرا گئے، جس کے نتیجے میں چار افراد ہلاک اور تیرہ شدید زخمی ہوئے تاہم حادثے کی تحقیقات کا آغاز کردیا گیا ہے۔
تفصیلات کے مطابق آسٹریلیا میں خوفناک فضائی حادثہ رونما ہوا ، جس میں دو ہیلی کاپٹر دورانِ پرواز ٹکرا گئے۔
حادثے کے نتیجے میں چار افراد ہلاک اور تیرہ شدید زخمی ہو گئے، زخمیوں کو اسپتال منتقل کر دیا گیا۔
https://youtu.be/Ott28SkDq0I
انتظامیہ نے تحقیقات کا آغاز کر دیا ہے کہ ہیلی کاپٹر ہوا میں کیسے ٹکرائے۔
سوشل میڈیا پر وائرل ویڈیوز میں دیکھا جا سکتا ہے کہ ایک ہیلی کاپٹر ساحل سے چند فٹ کے فاصلے پر ریت پر پڑا ہے جب کہ اس کے راؤٹرز فاصلے پر پڑے ہیں اور دوسرا ہیلی کاپٹر جائے حادثہ پر کافی حد تک ٹھیک نظر آیا، جو مشہور سی ورلڈ میرین تھیم پارک کے قریب ہے۔
اے ٹی ایس بی کے چیف کمشنر اینگس مچل نے عینی شاہدین سے کہا ہے جنہوں نے تصادم یا ہیلی کاپٹروں کو پرواز میں دیکھا تھا کہ وہ تفتیش کاروں سے رابطہ کریں۔
انہوں نے مزید کہا کہ ابتدائی رپورٹ اگلے چھ سے آٹھ ہفتوں میں منظر عام پر لائی جائے گی اور تحقیقات مکمل ہونے کے بعد حتمی رپورٹ پیش کی جائے گی۔
کوئنز لینڈ کی وزیر اعظم ایناستاسیا پالاسزک نے اس واقعے کو ایک "ناقابل تصور سانحہ” قرار دیا اور کہا کہ "ان کی گہری ہمدردیاں اس خوفناک حادثے سے متاثرہ ہر خاندان اور ہر ایک کے ساتھ ہیں”۔
