کراچی: چند دن قبل اورنگی کے ایک علاقے میں اسٹریٹ کرائم کی واردات کرنے والے لٹیروں کو رینجرز اور پولیس اہل کاروں نے ایک مشترکہ کارروائی میں پکڑ لیا۔
تفصیلات کے مطابق رینجرز اور پولیس نے اورنگی کے علاقے فرنٹیئر کالونی میں مشترکہ کارروائی کے دوران ڈکیتی اور اسٹریٹ کرائم کی وارداتوں میں ملوث 2 ملزمان کو گرفتار کر لیا۔
ترجمان رینجرز کے مطابق ملزم معاذ اور عبدالوہاب کو سی سی ٹی وی فوٹیج کی مدد سے گرفتار کیا گیا، مذکورہ لٹیروں نے ساتھی کے ہمراہ 29 دسمبر کو ڈکیتی کی واردات کی تھی۔
اس واردات کی سی سی ٹی وی فوٹیج سوشل میڈیا پر وائرل ہوئی تھی، جس میں ملزمان کو بہ آسانی پہچانا جا سکتا ہے۔
سرکاری کالج کے سیکیورٹی گارڈ سے رائفل چل گئی، طالب علم کا جسم چھلنی ہو گیا
دوران تفتیش ملزمان نے اورنگی ٹاؤن اور اس کے اطراف میں متعدد وارداتوں کا اعتراف کر لیا، ملزمان سے اسلحہ بھی برآمد کیا گیا، اور مزید تفتیش کے لیے انھیں پولیس کے حوالے کر دیا گیا۔
