لندن: پاک فوج کے سینئر افسر نےسوشل میڈیا ایکٹوسٹ عادل راجہ پر برطانیہ میں مقدمہ کر دیا۔
برطانیہ میں مقیم عادل راجہ پر برطانوی ہائی کورٹ میں ہتک عزت کامقدمہ کیا گیا ہے۔ عادل فاروق راجہ پرمقدمہ ایک حاضر سروس افسر نے کیا ہے۔
عادل فاروق راجہ نے بریگیڈیئر راشدنصیر پر الزامات عائد کئے تھے۔ پی ٹی آئی کیخلاف انتخابی دھاندلی اور جنرل باجوہ پر ہارس ٹریڈنگ کےالزامات عائد کئےگئے۔
دستاویز کےمطابق عادل راجہ نے 14جون 2022 کو حاضرسروس افسر کیخلاف مہم کا آغاز کیا۔ بریگیڈئیر پر پنجاب ضمنی انتخابات سے متعلق آصف زرداری سےخفیہ ملاقاتوں کا الزام لگایا گیا۔
عادل فاروق راجہ نےاپنےخلاف دائرہونےوالےمقدمےکی تصدیق کی ہے۔
وکلا کا کہنا ہے کہ عادل راجہ کی مہم سےحاضر سروس بریگیڈئیرکی ساکھ کوشدیدنقصان پہنچا۔ عادل راجہ گزشتہ برس اپریل میں اسلام آبادسےلاپتہ ہونےکےبعد لندن پہنچےتھے۔
