ممبئی: بالی وڈ کے سُپر اسٹار شاہ رخ خان اور معروف اداکارہ عالیہ بھٹ کا سوشل میڈیا پر ایک دوسرے سے آمنا سامنا ہوگیا۔
شاہ رخ خان نے مائیکرو بلاگنگ سائٹ ٹوئٹر پر #AskSRK سیشن رکھا جہاں انہوں نے مداحوں کے مختلف سوالات کے جوابات دیے۔
ایسے میں ایک صارف نے سُپر اسٹار سے پوچھا کہ عالیہ بھٹ آپ کو صرف ’شاہ رخ‘ ہی کیوں پکارتی ہیں؟ اس پر انہوں نے جواب دیا کہ اس کا مطلب سویٹ یا رومانٹک ہو سکتا ہے یا شاہد سینیئر اور ریسپیکٹڈ ہو۔
شاہ رخ خان کے جواب کے فوراً بعد عالیہ بھٹ بھی کود پڑیں اور اداکار کو صرف ’شاہ رخ‘ کہنے کی وجہ بتا دی۔ اداکارہ نے لکھا کہ اس کا مطلب سویٹ اور ریسپیکٹڈ جیسا ہے۔
عالیہ بھٹ نے سُپر اسٹار کو مخاطب کرتے ہوئے لکھا: ’لیکن 25 جنوری کے بعد میں آپ کو پٹھان پکارنے والی ہوں۔ دیکھیں، میں کتنی تخلیقی ہوں نا۔‘
شاہ رخ خان نے جواب میں لکھا: ’ٹھیک ہے چھوٹی۔ اور آج سے میں تمہیں ’چھوٹی اماں بھٹ کپور‘ پکارنے والا ہوں۔‘
#AskSRK سیشن میں ہزاروں مداحوں نے مختلف سوالات کیے لیکن شاہ رخ خان اور عالیہ بھٹ کے ٹوئٹس نے سب کی توجہ حاصل کرلی۔
