کراچی کے علاقے گلستان جوہر بلاک 17 میں ڈکیتی مزاحمت پر ڈاکوؤں کی فائرنگ سے خاتون جاں بحق ہوگئیں۔
جاں بحق خاتون کی لاش ضابطے کی کارروائی کے لیے اسپتال منتقل کر دی گئی۔ مقتولہ کی شناخت ثنا زوجہ طارق کے نام سے ہوئی ہے۔
ایس ایس پی ایسٹ عبدالرحیم شیرازی اور ایس پی گلشن جائے وقوع پر پہنچ گئے۔ عبدالرحیم شیرازی کے مطابق واقعہ ڈکیتی کا معلوم ہوتا ہے، جس وقت ملزمان آئے خاتون کار میں بیٹھی تھی، خاتون کا موبائل فون لاپتا ہے۔
- Advertisement -
متعلقہ: کراچی میں ڈکیتی مزاحمت پر رواں سال کا پہلا قتل
ایس ایس پی ایسٹ کا بتانا ہے کہ کار میں خاتون، ان کا بھائی اور ایک بچہ میڈیکل اسٹور پر آئے تھے، مقتولہ کو ایک گولی کندھے پر لگی۔
پولیس کا کہنا ہے کہ عینی شاہدین کے بیانات قلمبند کیے جا رہے ہیں جبکہ شواہد اکھٹے کیے جا رہے ہیں۔
