کراچی : شہر قائد میں ڈاکوؤں نے ایک اور ایک شہری کو فائرنگ کرکے قتل کردیا، مقتول شاہد مکینک کی دکان کے قریب بیٹھا تھا۔
تفصیلات کے مطابق کراچی کےعلاقے کورنگی بلال کالونی میں صبح شام دو ڈکیتیوں کی واردات ہوئی، اس دوران اسٹریٹ کرمنلز کی فائرنگ سے ایک شخص جاں بحق ہوگیا۔
مقتول کی شناخت شاہد کےنام سےہوئی ہے، مقتول شاہد کو ڈاکوؤں نے فائرنگ کرکے قتل کیا۔
علاقہ مکین نے بتایا کہ کورنگی بلال کالونی مٹکے والی پُلیہ کے قریب ڈاکوؤں نے دکانیں لوٹیں، دکانوں کے باہر موجود شہریوں سے موبائل فون اورنقد رقم بھی چھین لی۔
لواحقین کا کہنا تھا کہ مقتول شاہد مکینک کی دکان کے قریب بیٹھا تھا جبکہ عینی شاہدین کے مطابق دوران واردات شاہد آگےبڑھا توڈاکواس پرفائرنگ کرکے فرار ہوگئے۔
پولیس نے بتایا کہ واقعہ ڈکیتی کا ہے یا نہیں تفتیش کررہےہیں، مقتول کو سینے پر گولی لگی ہے۔
Comments
- Advertisement -
