لاہور میں نوکری کا جھانسہ دے کر ملزمان نے خاتون کو اجتماعی زیادتی کا نشانہ بنا ڈالا۔
خاتون کی درخواست پر تھانہ گجرپورہ میں واقعے کا مقدمہ درج کر لیا گیا۔ ایف آئی آر کے مطابق ملزم خلیل نے نوکری کا جھانسہ دےکر کوٹ خواجہ سعیداسپتال بلایا اور ساتھیوں کےہمراہ گن پوائنٹ پر اجتماعی زیادتی کا نشانہ بنایا۔
ایف آئی آر میں کہا گیا ہے ملزمان نے ویڈیو بنائی اور جان سے مارنے کی دھمکیاں دیں۔ پولیس نے اغوا اور زیادتی کی دفعات کے تحت مقدمہ درج کیا ہے۔
خاتون کو نوکری کا جھانسہ دے کر تین افراد نے اسلحہ کے زور پر اجتماعی زیاددتی کا نشانہ بنا ڈالا ۔۔۔@OfficialDPRPP @ccpolahore @digopslahore
@InvPoliceLahor pic.twitter.com/mVRupCPzCK— Ahmer Khokhar (@AhmerKhokhar08) January 8, 2023
متاثرہ خاتون نے پولیس کو بتایا کہ ملزم خلیل سے سوشل میڈیا پر دوستی ہوئی تو اس نے خود کو میڈیسن کمپنی کا منیجر بتایا۔
خاتون کے بقول خلیل نے نوکری کے لیے بلایا اور پھر اسلحہ کے زور پر اغوا کر کے ساتھ لے گیا جہاں ملزمان کے دو دیگر ساتھی بھی موجود تھے جنہوں نے اجتماعی زیادتی کی۔