لاہور : چیئرمین تحریک انصاف عمران خان کا این اے 193سےسردار جعفر کی خالی نشست پر الیکشن لڑنے کا امکان ہے۔
تفصیلات کے مطابق رکن قومی اسمبلی سردار جعفر خان لغاری کی وفات کے بعد ضمنی الیکشن کے معاملے پر چیئرمین تحریک انصاف عمران خان کا این اے ایک سو ترانوے کی خالی نشست پر الیکشن لڑنے کا امکان ہے۔
الیکشن کمیشن نے سردار جعفر لغاری کی وفات کے بعد شیڈول جاری کیا ہے، جس کے تحت ضمنی انتخاب چھبیس فروری کو ہوگا۔
- Advertisement -
عمران خان اس سے قبل بھی قومی اسمبلی کے آٹھ حلقوں سے ضمنی الیکشن میں حصہ لے چکے ہیں۔
یاد رہے الیکشن کمیشن آف پاکستان نے توشہ خانہ ریفرنس میں سابق وزیراعظم عمران خان کو نااہل قرار دیا تھا۔
الیکشن کمیشن نے توشہ خانہ ریفرنس درست قرار دیتے ہوئے فیصلہ میں کہا کہ عمران خان کرپٹ پریکٹس کے مرتکب ہوئے،عمران خان کی قومی اسمبلی کی نشست خالی قراردی جاتی ہے۔
