سندھ میں ڈیوٹی سے غیر حاضر رہنے والے اساتذہ کے گرد گھیرا تنگ کر دیا گیا اور ایسے اساتذہ کو فوری گرفت میں لینے کے لیے اہم فیصلہ کر لیا گیا ہے۔
اے آر وائی نیوز کے مطابق حکومت سندھ نے ڈیوٹی سے غیر حاضر رہنے والے اساتذہ کے گرد گھیرا تنگ کرتے ہوئے اساتذہ کو آئن لائن موبائل فون پر دن میں دو مرتبہ حاضری لگانے کا پابند بنانے کا فیصلہ کرلیا ہے۔
سندھ حکومت نے کراچی کے علاوہ صوبے کے 7 اضلاع میں روزانہ کی بنیاد پر اساتذہ کو فون پر آن لائن حاضری لگانے کا حکم دے دیا ہے اور اس حوالے سے مراسلہ بھی جاری کر دیا گیا ہے۔
محکمہ تعلیم سندھ نے حیدرآباد، لاڑکانہ، میرپورخاص ڈویژنوں کے تعلقہ ایجوکیشن افسران کو خط لکھ دیا ہے جس کے مطابق آئندہ پیر سے اساتذہ آن لائن موبائل فون پر دن میں دو مرتبہ حاضری لگانے کے پابند ہوں گے۔
یہ بھی پڑھیں: سندھ کے تعلیمی بورڈز کیلیے ایک ارب روپے کی گرانٹ جاری
اس حوالے سے تعلقہ مانیٹرنگ آفیسر چیف مانیٹرنگ آفیسرز ہونگے جو ہیڈ ماسٹرز اور ٹیچرز کو آن لائن حاضری سے متعلق ٹریننگ دیں گے۔
