اسلام آباد : وفاقی وزیر احسن اقبال نے 10ارب روپے کی لیپ ٹاپ اسکیم دوبارہ شروع کرنے کا اعلان کردیا۔
تفصیلات کے مطابق وفاقی وزیر احسن اقبال نے تقریب سے خطاب کرتے ہوئے کہا ن لیگ نےگزشتہ دور حکومت میں ڈیجیٹل لائسنس جاری کیے، ن لیگ نے ماضی میں نوجوانوں کو 10 لاکھ لیپ ٹاپ دیے، 10ارب روپےکی لیپ ٹاپ اسکیم دوبارہ شروع کر رہے ہیں۔
احسن اقبال کا کہنا تھا کہ آج دوست ممالک کے قرضے ادا نہیں کرپارہے،رول اوورکروارہےہیں۔
وفاقی وزیر نے کہا کہ ہمارا ایک مسئلہ یہ ہے کہ ہم ایکسپورٹ نہیں بڑھاتے،75سال میں پاکستان نے کبھی اپنے ڈویولپمنٹ بجٹ میں ڈیفالٹ نہیں کرتا تھا۔
ان کا کہنا تھا کہ اپریل میں ہماری حکومت آنے سے پہلے بجٹ زیرو ریلیز کیا گیا، 18-2017 میں ہرملک کا سفیر آکر پوچھتا تھا کمپنیاں سی پیک میں کیسے سرمایہ کاری کریں۔
احسن اقبال نے مزید کہا کہ آج ہمارے پاس ادائیگیوں کے پیسے نہیں، میں جب پلاننگ کا منسٹر تھا تو اس کا بجٹ 1 ہزار ارب تھا۔
