لاہور: وزیر اعلیٰ و پنجاب کی ترجمان اور پی ٹی آئی کی رہنما مسرت جمشید چیمہ نے کہا کہ سلیمان شہباز کو اربوں لوٹنے اور چوری کو قانونی قرار دلوانے پر مبارکباد ہو۔
مسرت جمشید چیمہ نے سماجی رابطے کی ویب سائٹ ٹوئٹر پر جاری پیغام میں کہا کہ دیوالیہ ہوتے، بھوک سے بلکتے ملک کے اربوں روپے لوٹےگئے، امپورٹڈ حکومت نے ’’مشن ڈرائی کلین سلیمان شہباز‘‘ کامیابی سے مکمل کر لیا۔
انہوں نے کہا کہ این آر او ٹوکی برکات سے حکمران خاندان کا ہر فرد فیض یاب ہو رہا ہے، دنیا بھر میں ہمارا احتساب کا نظام مذاق بن رہا ہے، اب یہ لوگ ایک نئے ولولے سے ملک لوٹیں گے۔
شہری ایڈووکیٹ ابوذر سلمان خان نے اے آر وائی نیوز سے گفتگو کرتے ہوئے کہ کہ تحقیقاتی ایجنسیاں شریفوں کےکیسز میں تحقیقات کرہی نہیں رہیں، ناقص تفتیش کے باعث یہ لوگ عدالتوں سے چھوٹ جاتے ہیں۔
ابوذرسلمان نیازی کا کہنا تھا کہ سپریم کورٹ نےاس معاملے پرکچھ عرصے قبل نوٹس لیا تھا، ان لوگوں کے خلاف کچھ سال پہلےتک بہت ثبوت مل رہے تھے، اب ایف آئی اےکو ان کے خلاف ثبوت ہی نہیں مل رہے۔
