اسلام آباد : حکومت نے ہیٹڈ ٹوبیکو مصنوعات کو قانونی تحفظ دینے کا فیصلہ کرتے ہوئے پراڈکٹس سے متعلق تصویری اور تحریری وارننگ کا نیا قانون تیار کرلیا۔
تفصیلات کے مطابق حکومت نے ہیٹڈ ٹوبیکو مصنوعات کو قانونی تحفظ دینے کا فیصلہ کرلیا اور ہیٹڈٹوبیکو پراڈکٹس کی ریگولیشن کیلئے قانون سازی مکمل کرلی۔
ذرائع نے بتایا کہ ٹوبیکو پراڈکٹس سے متعلق تصویری اور تحریری وارننگ کا نیا قانون تیار کرلیا ہے ، وزارت صحت ہیٹڈٹوبیکوپراڈکٹس قانون کی کابینہ سے منظوری لے چکی ہے، ہیٹڈ ٹوبیکو پراڈکٹس ریگولیشن کا نوٹیفکیشن جلد جاری ہو گا، ذرائع
ذرائع وزارت صحت کا کہنا ہے کہ قانون کا نام ہیٹڈٹوبیکو پراڈکٹس رولز 2022ہے، قانون کےتحت ہیٹڈٹوبیکو پراڈکٹس پر ہیلتھ وارننگ چھاپنالازم ہو گا۔
وزارت صحت نے کہا ہے کہ ہیٹڈ ٹوبیکو پراڈکٹ،پیکٹ پر وارننگ کے حجم میں کمی اور تشہیری متن تحریر کرنا جرم تصور ہو گا۔
ذرائع کے مطابق پورٹ سےبغیرہیلتھ وارننگ ہیٹڈ ٹوبیکو پراڈکٹس کی کلیئرنس ممنوع ہوگی، ہیٹڈ ٹوبیکو پراڈکٹس و پیکٹ پراردو اور انگریزی میں انتباہی وارننگ لگانا ہو گی۔
وزارت صحت کا کہنا تھا کہ ہیٹڈ ٹوبیکو پراڈکٹ اور پیکٹ پر انتباہی وارننگ میں سالانہ بنیاد پر اضافہ ہو گا جبکہ پراڈکٹ اور پیکٹ پرنیکوٹین کی تصدیق کرنا لازم ہو گا۔
