لندن : وزیرداخلہ رانا ثناءاللہ نے کہا ہے کہ مسلم لیگ ن کی سینئر نائب صدر مریم نواز کی پاکستان واپسی کے پروگرام میں کچھ تبدیلی کی گئی ہے۔
یہ بات انہوں نے لندن میں میڈیا سے گفتگو کرتے ہوئے کہی ، انہوں نے بتایا کہ مریم نواز27جنوری کو لندن سے دبئی جائیں گی۔
وزیر داخلہ راناثناء اللہ نے کہا ہے کہ اس کے بعد مریم نواز28جنوری کو دبئی سے پاکستان پہنچیں گی۔
ایک سوال کے جواب میں انہوں نے بتایا کہ پیر امین الحسنات ن لیگ کا ٹکٹ نہ ملنے کے بعد غیرفعال ہوگئے تھے۔
یاد رہے کہ گزشتہ سال اکتوبر میں مریم نواز عدالتی حکم پر ضبط شدہ پاسپورٹ ملتے ہی ساڑھے چار سال بعد لندن روانہ ہوئی تھیں جہاں انہوں نے اپنے والد اور بھائیوں کے ساتھ وقت گزارا۔
بعد ازاں جنوری میں وہ والد کے ہمراہ سرجری کی غرض سے جنیوا گئیں جہاں ان کا تین گھنٹے طویل گلے کا کامیاب آپریشن کیا گیا۔
یاد رہے کہ مریم نواز سرجری کی غرص سے دو روز قبل سابق وزیر اعظم نواز شریف کے ہمراہ لندن سے جنیوا روانہ ہوئی تھیں۔
گزشتہ سال نومبر میں نواز شریف نے مریم نواز اور فیملی کے ہمراہ یورپ کا دورہ کیا تھا۔ ان کی اٹلی کے شہر میلان سے تصویر بھی سامنے آئی تھی۔
