لاہور: چوہدری پرویز الہیٰ نے محسن نقوی کو نگراں وزیراعلیٰ ماننے سے انکار کردیا ہے۔
تفصیلات کے مطابق الیکشن کمیشن کے فیصلے کے بعد ردعمل کا اظہار کرتے ہوئے پرویز الہیٰ نے کا کہ یہ متنازع شخص ہےاس کو وزیراعلیٰ نہیں مانتے،ایساشخص غیرجانبدارنہیں رہ سکتا۔
وزیراعلیٰ پنجاب نے کہا کہ محسن نقوی کے معاملے پر ہم سپریم کورٹ جارہے ہیں۔
حارث سٹیل کیس میں 35 لاکھ روپے کی پلی بارگین کرنے والے شخص سے کیسے انصاف کی توقع کی جا سکتی ہے.میرا قریب ترین رشتے دار کیسے نگران وزیراعلیٰ بن سکتا ہے.الیکشن کمیشن کا متنازعہ فیصلہ ہر اصول اور ضابطے کے خلاف ہے. الیکشن کمیشن کے اس فیصلے کے خلاف ہم سپریم کورٹ جا رہے ہیں.
— Ch Parvez Elahi (@ChParvezElahi) January 22, 2023
دوسری جانب سماجی رابطے کی ویب سائٹ ٹوئٹر پر اپنے ٹوئٹ میں پرویز الہیٰ نے کہا کہ الیکشن کمیشن کا متنازع فیصلہ ہراصول اور ضابطےکیخلاف ہے،میرا قریب ترین رشتےدار کیسےنگراں وزیراعلیٰ بن سکتاہے؟۔
واضح رہے کہ اب سے کچھ دیر قبل نگراں وزیراعلیٰ پنجاب کے تقررکے معاملے میں بڑی پیشرفت سامنے آئی تھی، جب الیکشن کمیشن آف پاکستان (ای سی پی) نے محسن نقوی کو نگراں وزیر اعلیٰ پنجاب نامزد کیا۔
حکومت اور حزب اختلاف کی جانب سے ناموں پر اتفاق نہ ہونے کے باعث مندرجہ بالا نام چیف الیکشن کمشنر کو بھجوا دیئے گئے تھے، جس کا فیصلہ آج کردیا گیا ہے۔
