وزیر خارجہ بلاول بھٹو زرداری آج دو روزہ سرکاری دورے پر روس روانہ ہوں گے علاقائی طاقتوں کی جانب سے اس دورے کو بہت اہمیت دی جا رہی ہے۔
اے آر وائی نیوز کے مطابق وزیر خارجہ بلاول بھٹو زرداری آج دو روزہ سرکاری دورے پر روس روانہ ہوں گے۔ اس دورے کو علاقائی طاقتوں کی جانب سے بہت اہمیت دی جا رہی ہے۔
ترجمان دفتر خارجہ کے مطابق وزیر خارجہ بلاول بھٹو دورے کے دوران روسی ہم منصب سے ملاقات کریں گے جس میں دو طرفہ تعلقات کی تمام جہتوں سمیت علاقائی، عالمی اور باہمی دلچسپی کے امور پر تبادلہ خیال کیا جائے گا۔
یہ بھی پڑھیں: اگلی سردیوں کے لیے روس سے گیس کا معاہدہ کریں گے، مصدق ملک
واضح رہے کہ وزیر خارجہ کا یہ دورہ پاکستان اور روس کے درمیان روسی خام تیل کی فراہمی کے معاہدے پر دستخط کے ایک ہفتے بعد ہو رہا ہے اور اس بنیاد پر علاقائی طاقتوں کی جانب سے اس دورے کو بہت اہمیت دی جارہی ہے۔
