کراچی: ڈالرز کی عدم فراہمی اور غیر یقینی صورت حال پر بین الاقوامی ایئر لائنز کا بڑا فیصلہ سامنے آگیا ہے۔
تفصیلات کے مطابق بینکوں کی جانب سے ڈالرز کی عدم فراہمی پر مختلف بین الاقوامی ایئرلائنز نے پاکستان کیلئے ایئر کارگو بند کرنے پر غور شروع کردیا ہے۔
ایئرکارگو ایجنٹس ایسوسی ایشن نے وزیرہوابازی، وزیرخزانہ اور گورنراسٹیٹ بینک کو مراسلہ تحریر کیا ہے جس میں کہا گیا ہے کہ تین ماہ سے بینکوں کی جانب سے ایئرلائنز کو فریٹ چارج کی مد میں ڈالرز کی فراہمی معطل ہے، فریٹ چارجز نہ ملنے پر بین الاقوامی ایئرلائنز نےایئرکارگو بند کرنےپرغور شروع کردیاہے۔
یہ بھی پڑھی: امریکی ڈالر مزید مہنگا، ملک کی تاریخ کی بلند ترین سطح پر پہنچ گیا
مراسلے میں کہا گیا ہے کہ پی آئی اے پر پابندی کے باعث غیر ملکی ایئر لائنز پچاسی فیصد ایئرکارگو سروسزمہیا کرتی ہیں اگر ایئرلائنز نے کارگو سروسز معطل کیں تو بین الاقوامی تجارت بند ہونے کا خدشہ ہے۔
ایئرکارگو ایجنٹس ایسوسی ایشن نے مطالبہ کیا کہ حکومت ائیر کارگو سروسز کے لیے ڈالرز کی فوری فراہمی کے احکامات جاری کرے۔
