بنگلہ دیش پریمیئر لیگ میں گزشتہ روز ایک میچ میں نسیم شاہ نے اعظم خان سے دلچسپ چھیڑ چھاڑ کی جس کی ویڈیو سوشل میڈیا پر وائرل ہوگئی۔
اے آر وائی نیوز کے مطابق بنگلہ دیش پریمیئر لیگ جاری ہے جس میں پاکستانی کرکٹ کے ستارے بھی جگمگا رہے ہیں اور آئے روز ان کے حوالے سے کبھی ریکارڈ بنانے تو کبھی کوئی دلچسپ خبریں سامنے آتی رہتی ہیں۔
گزشتہ روز کھیلے گئے کومیلا وکٹورینز اور کھلنا ٹائیگرز کے ایک میچ میں پاکستان سے تعلق رکھنے والے دو کھلاڑیوں کے درمیان دلچسپ چھیڑ چھاڑ اور نوک جھونک کی ویڈیو سوشل میڈیا پر وائرل ہوگئی۔
ویڈیو میں دیکھا جا سکتا ہے کہ کھلنا ٹائیگرز کے بیٹر اعظم خان بیٹنگ کے لیے میدان میں آ رہے ہیں کہ اسی دوران مقابل ٹیم کومیلا وکٹورینز نے فاسٹ بولر نسیم شاہ نے ان سے دلچسپ چھیڑ چھاڑ شروع کردی۔
نوجوان قومی فاسٹ بولر نسیم شاہ نے سینہ تان کر اعظم خان کا راستہ روکنے کی کوشش کی اور نقل اتارنے لگے۔ اس چھیڑ چھاڑ کا اعظم خان نے بھی خوشگوار موڈ میں جواب دیا اور مسکراتے ہوئے انہیں ہاتھ سے دھکیل دیا۔
یہ بھی پڑھیں: بھارت میں ٹی 20 کرکٹ کی دلچسپ انہونی
اعظم خان کے اس ردعمل کے بعد دیکھا جاسکتا ہے کہ نسیم شاہ عقب میں جاکر مسکراتے ہوئے ان کے چلنے کے اسٹائل کی نقل کرتے ہیں۔
سوشل میڈیا پر وائرل ویڈیو کو دیکھنے والے صارفین بہت پسند کر رہے ہیں۔
