کراچی: تحریک انصاف کے رکن سندھ اسمبلی خرم شیر زمان نے کہا ہے کہ مہنگائی مارچ نکالنے والوں کا بس چلے تو سانس لینے پر بھی ٹیکس لگادیں۔
تحریک انصاف کے رہنما خرم شیر زمان نے ایک بیان میں کہا کہ حکومت کی عوام دشمن پالیسیوں نے ان کے چہروں کو بے نقاب کردیا، مہنگائی مارچ نکالنے والوں کا بس چلے تو سانس لینے پر بھی ٹیکس لگادیں۔
پی ٹی آئی رہنما نے کہا کہ حکومتی نااہلی کی وجہ سے ملک میں سرمایہ کاری ختم ہورہی ہے، نوجوان پاکستان سے باہر نوکریوں کی تلاش میں ملک چھوڑ کر جارہے ہیں، بدترین مہنگائی سے چھٹکارا حاصل کرنے کا واحد حل الیکشن ہے۔
