کراچی : سندھ ہائی کورٹ کی سیکیورٹی مزید سخت کرتے ہوئے عدالت کے اندراور باہرریپڈ رسپانس فورس تعینات کردی گئی ہے۔
تفصیلات کے مطابق سیکیورٹی خدشات کے پیش نظر سندھ ہائی کورٹ کی سیکیورٹی بڑھا دی گئی۔
ریپڈ رسپانس فورس اور رینجرزکی نفری بھی بڑھا دی گئی جبکہ سندھ ہائیکورٹ کے داخلی راستوں پر گاڑیوں کی تلاشی بھی لی جارہی ہے۔
- Advertisement -
عدالت کے اندرونی حصوں میں بھی ریپڈ رسپانس فورس کے اہلکاروں کو تعینات کیا گیا ہے۔
سندھ ہائی کورٹ میں سیکیورٹی اہلکاروں کی تعیناتی کا فیصلہ چیف جسٹس کی سربراہی میں سیکیورٹی امورسےمتعلق اجلاس میں کیا گیا تھا۔
چیف جسٹس سندھ ہائی کورٹ کی سربراہی میں منعقد ہونے والے اجلاس میں فیصلہ کیا گیا کہ عدالتوں کی سیکیورٹی میں اضافہ کیا جائے گا اور سندھ ہائی کورٹ کی دیواروں اور اطراف کا جائزہ لیا جائے۔
