کراچی: پاکستان سپر لیگ( پی ایس ایل) کی فرنچائز کراچی کنگز کے کپتان عماد وسیم اور غیر ملکی کھلاڑی بین کٹنگ کراچی پہنچ گئے ہیں۔
اے آر وائی نیوز کے مطابق کراچی کنگز کے کپتان عماد وسیم بی پی ایل کھیلنے کے بعد کراچی پہنچ گئے ہیں جبکہ آج ہی غیر ملکی کھلاڑی بین کٹنگ ہیڈ کوچ جوہان بوتھا اور اسسٹنٹ کوچ مائیکل اسمتھ کراچی پہنچ ہیں۔
- Advertisement -
اس سے قبل پشاور زلمی کے ہیڈ کوچ ڈیرن سیمی بھی کراچی پہنچے تھے، جس پر انہوں نے کہا تھا کہ ’ پاکستان میرا دوسرا گھر ہے‘۔
پی ایس ایل کے لیے غیر ملکی کرکٹرز 10 فروری کے بعد کراچی پہنچنا شروع ہوں گے، پشاور زلمی پی ایس ایل 8 میں پہلا میچ 14 فروری کو کراچی کنگز کے خلاف کھیلے گی۔
