اسلام آباد: پاکستان اور امریکا کے درمیان دفاعی مذاکرات کل سے شروع ہوں گے، پاکستان کی طرف سے وفد کی قیادت چیف آف جنرل اسٹاف کریں گے۔
تفصیلات کے مطابق دفتر خارجہ کا کہنا ہے کہ پاکستان اور امریکا کے درمیان دفاعی مذاکرات کا دوسرا دور 13 سے 16 فروری تک واشنگٹن میں ہوگا۔
دفتر خارجہ کا کہنا ہے کہ مذاکرات کا پہلا دور جنوری 2021 میں پاکستان میں منعقد ہوا تھا۔
- Advertisement -
دفتر خارجہ کے مطابق پاکستان کی طرف سے وفد کی قیادت چیف آف جنرل اسٹاف کریں گے، وفد میں وزارت خارجہ، جوائنٹ اسٹاف ہیڈ کوارٹرز اور تینوں مسلح افواج ہیڈ کوارٹرز کے حکام شامل ہوں گے۔
امریکی ٹیم کی نمائندگی انڈر سیکریٹری ڈیفنس آفس کرے گا۔
ترجمان دفتر خارجہ کے مطابق مذاکرات میں دفاعی و سیکیورٹی تعاون کے امور زیر بحث آئیں گے۔
