مدھیا پردیش : ہندو انتہا پسندوں نے ویلنٹائن ڈے منانے والوں کیلئے ڈنڈے چمکالئے اور کہا جو ویلینٹائن ڈے منائےگا اس کو ڈنڈے پڑیں گے۔
تفصیلات کے مطابق دنیا بھر میں آج محبت کا عالمی دن ‘ ولینٹائن ڈے’ کے نام سے اور بھارت میں آج گائے کو گلے لگانے کا دن منایا جارہا ہے۔
،بھارت میں جانوروں کی فلاح و بہبود کی سرکاری تنظیم نے ویلنٹائن ڈے کے موقع پر شہریوں کو گائے کو گلے لگانے کا دلچسپ مشورہ دیا کہ لوگوں کو نہیں بلکہ آج گائے کو گلے لگائیں۔
دوسری جانب بھارتی ریاست مدھیا پردیش میں ہندوانتہا پسندوں نے ویلینٹائن ڈے منانے والوں کیلئے ڈنڈے چمکا لئے، ہندو انتہا پسندوں کا کہنا ہے جو ویلینٹائن ڈے منائےگا اس کو ڈنڈے پڑیں گے۔
خیال رہے کہ اس روز بھارت میں سینٹ ویلنٹائن کے پُتلے بھی نذر آتش کیے جاتے ہیں جب کہ انتہا پسند گروپ پارکوں اور ریستورانوں میں جوڑوں پر حملے کرتے ہیں، ان میں سے کئی جوڑوں کی زبردستی شادی کروا دیتے ہیں۔
واضح رہے بھارت میں گائے کو مذہبی درجہ حاصل ہے اور ہندوؤں کی بڑی تعداد اس کی پوجا کرتی ہے، یہی وجہ ہے کہ بھارت میں گائے کے ذبیحہ پر پابندی عائد ہے۔
