اسلام آباد : حکومت نےوفاقی سرکاری ملازمین کی اپ گریڈیشن کردی، اپ گریڈیشن کے بعد نویں اسکیل کے ایل ڈی سی کو 11واں اسکیل اور 11ویں اسکیل کےیو ڈی سی کو 13واں سکیل ملے گا۔
تفصیلات کے مطابق وفاقی ملازمین کی اپ گریڈیشن کیلئے وزارت خزانہ نے نوٹیفکیشن جاری کر دیا ہے۔
جس کے تحت وفاقی سرکاری ملازمین لوئر ڈویژن کلرک اور اپر ڈویژن کلرک کی اپ گریڈیشن کی گئی ہے۔
- Advertisement -
نوٹیفکیشن میں بتایا گیا ہے کہ اپ گریڈیشن کے بعد نویں اسکیل کے ایل ڈی سی کو 11واں اسکیل ملے گا اور 11ویں اسکیل کےیو ڈی سی کو 13واں سکیل ملے گا۔
نوٹیفکیشن کے مطابق گریڈ 16کے وفاقی ملازمین کوایک اضافی تنخواہ کے برابرالاؤنس دیاجائے گا۔
وزارت خزانہ کا کہنا ہے کہ گریڈ 1 سے گریڈ 5 تک کے وفاقی سرکاری ملازمین کو بھی ترقی دی جائےگی۔
