اسلام آباد : وفاقی حکومت نے فنانس بل کی پارلیمنٹ سے منظوری لینے کا فیصلہ کرلیا، مسودے کو آج قومی اسمبلی اور سینیٹ میں پیش کیا جائے گا۔
تفصیلات کے مطابق وزیراعظم شہباز شریف کی زیر صدارت وفاقی کابینہ کے اجلاس کا اعلامیہ جاری کردیا گیا جس میں کابینہ نے فنانس سپلیمنٹری بل2023کی منظوری دے دی۔
مذکورہ بل آج پارلیمنٹ میں منظوری کیلے پیش کیا جائے گا، زویر اعظم کا کہنا ہے کہ حکومتی سطح پر کفایت شعاری پالیسی اپنائی جارہی ہے جس کا اعلان جلد ہوگا۔ گزشتہ حکومت کی نااہلی، مجرمانہ غفلت کا خمیازہ عوام بھگت رہی ہے
انہوں نے کہا کہ اپنے ذرائع آمدنی کے اندر رہتے ہوئے معاشی مشکلات پرقابو پاسکیں گے،
مشکل حالات میں اقتدار سنبھالا اور ریاست کو بچانے کیلئے سیاست قربان کی۔ کفایت شعاری کے نام پر کھوکھلے نعروں سے گزشتہ حکومت نے دھوکا دیا۔
ذرائع کا کہنا ہے کہ فنانس سپلیمنٹری بل کا مسودہ دونوں ایوانوں کی قائمہ کمیٹیاں برائے خزانہ کو بھجوائیں گے،قومی اسمبلی ،سینیٹ کی قائمہ کمیٹیاں برائے خزانہ بل پرسفارتشات دیں گی، کمیٹیوں کی سفارشات پرعملدرآمدکرنایانہ کرناپارلیمنٹ کی صوابدید ہے، جمعرات تک دونوں ایوانوں کی کمیٹیوں سے فنانس بل کی منظوری کاامکان ہے۔
