ممبئی: بالی وڈ کی نامور اداکارہ سوارا بھاسکر سماجی کارکن فہد احمد کے ساتھ اپنی خفیہ شادی کو بلآخر منظرِ عام پر لے آئیں۔
میڈیا رپورٹس کے مطابق سوارا بھاسکر نے اپنے ٹوئٹر اور انسٹاگرام ہینڈلز پر فہد احمد کے ساتھ یادگار لمحات کی تصاویر ایک ویڈیو کی شکل میں پوسٹ کی اور شادی کا اعلان کیا۔
ویڈیو کے کیپشن میں اداکارہ نے لکھا کہ ’بعض اوقات ایسا بھی ہوتا ہے کہ آپ دور دور تک کسی چیز کی تلاش میں رہتے ہیں لیکن وہ بالکل آپ کے پاس ہوتی ہے۔ میں اور وہ محبت کی تلاش میں تھے۔ پہلے ہماری دوستی ہوئی اور پھر ہم نے ایک دوسرے کو پا لیا۔‘
متعلقہ: سوارا بھاسکر کو دھمکی آمیز خط موصول
Sometimes you search far & wide for something that was right next to you all along. We were looking for love, but we found friendship first. And then we found each other!
Welcome to my heart @FahadZirarAhmad It’s chaotic but it’s yours! ♥️✨🧿 pic.twitter.com/GHh26GODbm— Swara Bhasker (@ReallySwara) February 16, 2023
علاوہ ازیں سوارا بھاسکر نے اپنے ایک بیان میں بتایا کہ ہم نے رواں سال 6 جنوری کو اسپیشل میرج ایکٹ کے تحت عدالت میں شادی کی۔
سوارا بھاسکر تو کسی تعارف کی محتاج نہیں تاہم فہد احمد کے بارے میں بتایا جاتا ہے کہ وہ ریاست مہاراشٹر میں سماج وادی پارٹی کے یوتھ ونگ کے صدر ہیں اور اکثر سماجی مسائل پر آواز اٹھاتے ہیں۔