کراچی: سعودی سول ایوی ایشن نے پالتو جانوروں سے متعلق نئی ہدایت جاری کر دی۔
تفصیلات کے مطابق سفر سے قبل مسافر کے لیے پالتو جانور کی رجسٹریشن لازمی قرار دے دی گئی، گاکا نے نوٹیفکشن جاری کر دیا۔
سعودی سول ایوی ایشن گاکا نے نیا طریقہ کار وضع کر دیا ہے، جنرل اتھارٹی آف سول ایوی ایشن نے نوٹیفکیشن جاری کرتے ہوئے ہدایت کی ہے کہ تمام ایئر لائنوں کے مسافر پالتو جانوروں کی ترسیل کے حوالے سے پہلے ہی آگاہ کریں۔
- Advertisement -
نوٹیفکیشن کے مطابق مسافر سفر سے قبل جانوروں کی امپورٹ، ایکسپورٹ کے لیے سعودی حکام کو درخواست دینے کی پابند ہوں گے، سعودی حکومت کی جانب سے پرمٹ لیے بغیر مسافروں کے ساتھ جانور کو سفر نہیں کرایا جائے گا۔
گاکا نے ایئر لائنوں کو تنبیہہ کرتے ہوئے واضح کیا کہ پرمٹ کے بغیر جانوروں کی سعودیہ آمد یا روانگی کی کوشش کرنے والوں کے خلاف کارروائی کی جائے گی۔
